Фото: Pinsk.tv

Валянцін Ляўковіч нарадзіўся ў 1986 г., паходзіць з парафіі Перамянення Пана ў в. Новая Мыш Баранавіцкага раёна. Юрый Медушэўскі нарадзіўся ў 1987 г., паходзіць з парафіі Святога Зыгмунта ў Баранавічах. Зараз юнакі вучацца на шостым курсе пінскай семінарыі.

Перад рэкалекцыямі, у якіх удзельнічаюць тыя, хто ў хуткім часе прымае святарскія або дыяканскія пасвячэнні, будучыя дыяканы прызналіся, што адчуваюць трывогу перад такім важным крокам у сваім жыцці, аднак знаходзяцца ва ўзнёслым настроі. У святой Імшы, падчас якой адбываліся дыяканскія пасвячэнні, удзельнічаў кардынал Казімір Свёнтэк, Апостальскі адміністратар Пінскай дыяцэзіі, які з радасцю прывітаў будучых душпастыраў. Новыя дыяканы ў гэты важны для іх дзень адчувалі падтрымку таксама з боку бацькоў і родных, знаёмых святароў і сяброў.

Кл. Кірыл Бардонаў, http:/catholic.by/