|
 Новая ініцыятыва для моладзі
“Маладзевая акцыя мультымедыяў” базуецца на партале http://mammedia.org, ахоплівае Польшчу, Беларусь, Украіну і разлічаны на школьную і студэнцкую моладзь з мэтай навучыць яе праз журналісцкую дзейнасць выпрацоўваць , фармуляваць і абараняць сваю грамадскую пазіцыю, а таксама ўплываць на свет вакол сябе. Дэвіз праекта “Маю выбар. Маю ўплыў. Маю медыі” адлюстраваны на нашым партале http://mammedia.org, дзе зарэгістраваныя ўдзельнікі змогуць ствараць і публікаваць уласныя газэты: партал прапануе гатовыя і разнастайныя макеты газэт, з якіх застаецца толькі абраць адпаведны, напоўніць яго зместам і публікаваць – на партале ці ў друкаванай версіі. Праект прапануе таксама ўдзел у конкурсах і семінарах, якія ладзіць разам з партнэрамі фонд “Новыя медыі”, і вучобу непасрэдна ў аўтарытэтных журналістаў, у тым ліку за мяжой. Маладыя журналісты, сябры праекту МАМ, атрымаюць не толькі парады і дапамогу ад дасьведчаных калег, але і змогуць камунікаваць паміж сабой, між сваімі рэдакцыямі на форуме партала. Партал http://mammedia.org прадугледжвае адмысловую дыстанцыйную школу журналістыкі – э-лекцыі www.еlekcyi.org, пасля заканчэння якой удзельнік атрымае веды і сэртыфікат. Для актывістаў праекта будуць ладзіцца міжнародныя летнікі і стажыроўкі. Мы інфармуем таксама пра стажы, гранты і стыпэндыі, якія прапануюць іншыя рэсурсы і якія служаць разьвіццю навыкаў журналістыкі. Праект МАМ прадугледжвае супрацу з настаўніцкім асяроддзем, кіраўнікамі журналістскіх школ і гурткоў. Партал http://mammedia.org праекту МАМ рыхтуе разнастайныя конкурсы з узнагародамі для лепшых. Першы конкурс для паўстаючых на партале рэдакцый пачнецца ў дзень старту - 16 лістапада 2009г. Кожнай рэдакцыі прапануем абраць сваё крэда (ці дэвіз) - а пазней аўтарытэтная камісія з журналістаў і прадстаўнікоў фонду вызначыць, наколькі ён адпавядае зместу газеты (хаця б на прыкладзе аднога нумару выдання). Наступны конкурс працягнецца ад 1 снежня да 15 студзеня: будзе абірацца найлепшае святочнае, каляднае выданне. Запрашаем да супрацы па ўсіх магчымых накірунках. Будзем удзячныя таксама за інфармацыйную падтрымку! З найлепшымі пажаданнямі, Ганна Ягорава Каардынатар праекту МАМ у Беларусі hanna.yahorava@nowemedia.infо Вольга Гардзейчык-Мазярска, Кіраўнік праекту МАМ у Беларусі і Ўкраіне Фонд Новыя Мэдыі http://fundacjanowemedia.org/
Этот адрес e-mail защищен от спам-ботов. Чтобы увидеть его, у Вас должен быть включен Java-Script
|
